يا بحر انا جيتك من همومي اعانـــــــــــــي
جاك قلبي يشتكي فرقا حبـــــــــــــــــــيبه
جيتك كلي امل تاخذ همومي عشانـــــــــــي
اسألك بالله يا بحر اسمع هالمصـــــــــــــيبه
ابحكي لك عن اللي خذا قلبي ووجدانـــــــي
انادي له وصوتي يسمعه وعيا لا يجــــــــيبه
اشتقت له واشتاقت له كل المــــــــوانـــــــي
كل عرق بداخلي يسأل ليه طول مغيـــــــــبه
كنت لا شفته تشتعل في داخلي كل الامانــي
كان لي نور بسود الليالي اقتدي بـــــــــــــه
كنت في قربه يمر وقتي عجل مثل الثوانـــي
كنت افتخر به قدام ناسي واحتفي بـــــــــــه
كنت اغيظه بالجفا عشان اعرف مكانـــــــــي
كنت اشعل غيرته ثم ارجع انتخي بـــــــــــــه
كنت اتعمد اهجره ومعه كل وجدانــــــــــــــي
عشان اسمع عتابه واسمع منه تأنيــــــــــــبه
كنت اجيه بغروري وبكبريائي اللي كسانـــي
عشان يقول حبك غرورك بس اللي يعيـــــــــبه
كنت في قربه مستبشره فيه كل المحانـــــــي
كنت في قلبه كنت له اقرب قريـــــــــــــبــــــه
لين دقت ساعة الفرقا وبقسوته جانــــــــــــــي
يقول ارحلي وقلبك اليوم الله حسيـــــــــــــــبه
حاولت اتعذر لكنه انعقد حتى لسانـــــــــــــــي
كنت ابقول هذي سالفه وهم وعجيـــــــــــــــبه
واليوم قلبه قسا ورحل مع شخص ثــــانـــــــــي
والجمر في اعماق قلبي تزايد لهـــــــــــــــــيبه
احس الكون في بعده عاف قلبي وسلانــــــــــي
واحس الدنيا ضاقت من عقب ماهي رحيـــــــــــبه
وكل من مر من يمي بكلمتين واسانـــــــــــــــــي
يقولوا ارحمي قلبٍ بدا يخفت من نحيـــــــــــــــبه
قلت ياناس اسمعوني:شوفوا حبيبي نسانـــــــي
وعمرٍ من عقب فرقاه ضيع قلبي نصيــــــــــــــبه
وادري ان الله خذا مني مثل ماهو عطانــــــــــــي
وادري ان الغالي تركني برضاه ماهو غصيــــــبه
بس اقول الله كريم وعمر كل الناس فانـــــــــــــي
والمكان اللي خلا من زوله وش ينبغي بـــــــــــــه
اسألك بالله يا بحر لو انك مكانـــــــــــــــــــــــــي
وش تسوي لا صار قلبك فاقد حبـــــــــــــــــــــيبه